Y Triawd Amser a Mor-Ladron y Caribi

Antur stori stribed ar gyfer darllenwyr 9 i 15 oed. Mae'r Triawd Amser (Gwydion, Gwion a Garmon) yn cael eu cludo nôl i'r 18fed ganrif - trwy rymoedd hud rhyfeddol y Llestr Aur fu unwaith yn eiddo i'r ymerawdwr Astec Monteswma - i fyd peryglus môr-ladron y Caribî. Yno mae’r chwedlonol a’r anfad Blewgi Ddu yn ysu am gael y gorau o’r fôr-ladrones gyfareddol Anne Bonny, sy’n rheoli ynys y môr-ladron, Tortwga. Gyda pheryglon o’u cwmpas ym mhobman, mae’r Triawd Amser ar ras gythryblus a chyffrous i ddod o hyd i drysorau rhyfeddol El Dorado... Tybed a fyddan nhw’n gallu goresgyn y cyfan, a dychwelyd yn ddiogel i’w cartre yn ein dyddiau ni? Mae hynny’n dibynnu pwy fydd y cynta i ddatrys cyfrinach y Llestr Aur ac agor y drws ar El Dorado!