Lewsyn Lwcus: Y Goets Fawr

Mae Coets Fawr cwmni Wells Fargo dan fygythiad! Mae 'na ladron pen ffordd yn bygwth dwyn yr aur sydd arni wrth iddi groesi America o Denfer i San Francisco. Dim ond Lewsyn Lwcus, yr cowboi hirben a phraff, a'i geffyl ffyddlon Llamri Llon, all sicrhau bod yr aur yn cyrraedd pen y daith yn ddiogel. Ond mae pob math o anawsterau yn wynebu Lewsyn ar y siwrne hir a pheryglus hon, ac mae San Francisco i weld ymhell bell i ffwrdd. Tybed fydd platiad o facwn a bins yn help i hwyluso pethe[unk] Dyma'r gyfrol gyntaf yng nghyfres Lewsyn Lwcus, a sgwennwyd yn wreiddiol gan yr awdur toreithiog Goscinny, a'i arlunio gan feistr y stori stribed Morris. Yn un o gyfresi straeon stribed enwoca Ffrainc, mae Lewsyn Lwcus wedi dal dychymyg darllenwyr o bob oed ers degawdau a heddiw mae'n ymddangos am y tro cyntaf rhwng dau glawr yn Gymraeg.