Tryweryn - Claudia Williams

Golygydd y gyfrol hyfryd hon yw’r ysgolhaig Ceridwen Lloyd-Morgan ac mae’r llyfr yn cynnwys rhagymadrodd hir ganddi hi a rhagair gan Elfyn Llwyd AS sydd yn un o edmygwyr gwaith Claudia Williams. Mae’r gyfrol yn cynnwys lluniau du a gwyn a lluniau lliwgar gan Claudia Williams gyda phenawdau dwyieithog. Mae rhagymadrodd Ceridwen Lloyd-Morgan hefyd yn cynnwys ffotograffau o’r arlunydd yn ystod cyfnod argyfwng Tryweryn ac ymateb y ffotograffydd Geoff Charles i un o ddigwyddiadau hanesyddol mwyaf arwyddocaol Cymru. ‘She opens up the house of memories.’ Robert Meyrick