Er Hwylio'r Haul

Gwaith newydd i gôr ac unawdwyr yn adrodd hanes Llywelyn ein Llyw Olaf ac Eleanor de Montfort, ei wraig. Fe blethir elfennau o'r Offeren, e.e. Benedictus, Agnus Dei, rhwng caneuon ysgafn mewn arddull Sioe Gerdd. Fe'i comisiynwyd gan Eisteddfod Genedlaethol Eryri a'r Cylch 2005 lle perfformiwyd y gwaith am y tro cyntaf gyda Bryn Terfel yn canu un o'r rhannau unawdol.