Derwyddon, Y: Gwayw'r Goruchaf

Mae trydedd cyfrol cyfres Y Derwyddon yn cychwyn lle mae Cyfaredd Caer Is yn dod i ben. Llofruddiwyd y Brawd Tomos yng nghanol dinas Caer Is wrth iddo gyfieithu darn o lawysgrif sanctaidd sy’n nodi lle mae dau o Dlysau’r Brythoniaid wedi cael eu cuddio. Dan ddylanwad Diod y Duwiau gwnaeth Talwrch, pennaeth y Prydyn, ddatgelu lle dylai ei bobol gludo’r Tlysau hyn, sef y Pair Dadeni a roddai ddysg a bywyd yr eildro i ryfelwyr celain; a gwayw’r goruchaf Lleu, y waywffon hud â phum min pigfain a fyddai wastad yn taro’i nod. Gorchwyl y derwydd Gwynlan yw datrys y dirgelwch astrus hyn. Ond yn y cysgodion mae ciwed ddialgar Eglwys Rufain ar waith, ac yn ceisio defnyddio cyfrinachau’r derwyddon a thanseilio enaid hen grefydd dinas Caer Is.