Cyfres Anturiaethau Tintin: Llwybr i'r Lleuad

Cychwyn un o anturiaethau mwya eiconig Tintin, wrth iddo fe a’i gyfeillion fentro ar eu siwrne i’r Lloer. Ar alwad yr Athro Ephraim R. Efflwfia mae Tintin, Milyn a’r Capten Hadog yn cael eu cyrchu i Ganolfan Ymchwil Atomig Sprodzj yng ngwlad Syldafia. Yno, er mawr syndod a rhyfeddod iddynt oll, mae’r Athro yn paratoi roced i deithio i’r Lleuad. Ond, yn anochel, mae grymoedd tywyll yn llechu yn y cysgodion gyda’r bwriad o ddwyn rheolaeth ar y roced. Heb wybod dim am am y peryglon sy’n eu hwynebu, mae Tintin a’i gyfeillion yn paratoi ar gyfer yr antur fawr – a thrwy ambell i dro trwstan a chwmni Parry-Williams a Williams-Parry, o’r diwedd mae’r roced yn codi i lonyddwch y nos.