Lewsyn Lwcus: Yr Hen Fam Dalton

Hen wreigan annwyl yw’r Hen Fam Dalton yn byw bywyd digon tawel nes i’w bechgyn drwg, y Brodyr Dalton, redeg nôl at mama ar ôl dianc o’r carchar. Mae’r brodyr yn gandryll wrth ddarganfod fod eu mam wedi dod yn gyfeillgar â Lewsyn Lwcus – ond yn ffodus iddyn nhw, mae gwaed yn dewach na dŵr. Gyda Lewsyn Lwcus ar eu sodlau, mae mama yn cuddio’i meibion mewn hen bwll, ond yna mae’r bois yn penderfynu manteisio ar enw da eu mam i’w dynwared hi a dechrau dwyn o’r banciau lleol – wedi gwisgo yn ei hen ddillad dydd Sul! Gan fod pobol y dre yn gyfarwydd â’r Hen Fam Dalton, mae pawb yn cymryd mai sbort yw’r holl beth, ond â phethau’n mynd dros ben llestri mae Lewsyn Lwcus yn sylweddoli bod rhywbeth mawr o’i le.