Cyfres Anturiaethau Tintin: Y Seren Wib

Wrth fynd am dro un noson glir, mae llygaid Tintin yn troi tua’r nen. Ac i fyny fry gwêl seren sy’n tyfu’n fwy ac yn fwy. Buan y daw’n amlwg nad seren gyffredin mo hon, ond asteroid sydd ar ei ffordd i daro mewn i’r Ddaear. Yn ffodus i Tintin (a gweddill y ddynoliaeth) mae’r garreg danllyd yn gwibio heibio i’r Ddaear, ond disgyna darn ohoni ger Pegwn y Gogledd. Wrth iddi ddod yn amlwg bod y garreg o’r gofod yn cynnwys metalau newydd sbon, gorchwyl Tintin a’r Capten Hadog yw hwylio i oerni’r gogledd i geisio dod o hyd i’r asteroid. Ond heb yn wybod i Tintin, mae grymoedd rhyfedd iawn yn perthyn i’r metalau hyn – grymoedd mae ciwed ddistadl beryglus hefyd am gael gafael arnyn nhw.