Asterix a'r Cryman Aur

Mae cryman aur y derwydd Gwyddoniaidx yn angenrheidiol wrth gasglu'r planhigion sy’n mynd mewn i’r ddiod hud. Felly mae’r derwydd mewn picil pan mae ei gryman yn torri, a diogelwch y pentre dan fygythiad. Mae’n rhaid i Gwyddoniadix gael cryman aur newydd, a’r unig rai sydd o unrhyw safon yw’r rhai mae Torchillewix yn eu cynhyrchu yn ei weithdy yn Lwtetia bell. Dyma Asterix ac Obelix felly yn teithio i Lwtetia i brynu un o grymanau Torchillewix – ond mae yntau wedi diflannu oddi ar wyneb y ddaear. Wrth chwilio amdano, mae ein harwyr yn dod wyneb yn wyneb â gang sy’n masnachu crymanau ar y farchnad ddu, gang sydd â rhywun dylanwadol dros ben yn eu cadw rhag cyfiawnder, ac sy’n manteisio ar sgiliau Torchillewix er ei ddibenion ei hunan.