Dala'r Slac yn Dynn

Bu John yn un o gewri rheng flaen Castell-nedd a Llanelli am flynyddoedd lawer, enillodd 34 cap i Gymru, ac mae’n cael ei gydnabod fel un o chwaraewyr caletaf a mwyaf cyson y gêm dros yr ugain mlynedd diwethaf. Flynyddoedd ar ôl gorffen gyda’r Sgarlets mae’n dal i fwynhau rygbi ac yn dal i chwarae i Grymych.



Bydd y gyfrol yn llawn straeon o’r byd rygbi amatur, yn cynnwys ei brofiadau yn rheng flaen chwedlonol Castell Nedd, ond bydd hefyd yn sôn am gyfuno ffermio â chware rygbi proffesiynol i Richmond.



Ceir straeon difyr tu hwnt am ei brofiadau gyda’r Sgarlets a rygbi rhyngwladol, ond bydd hefyd yn rhoi darlun gonest a chignoeth o fywyd caled fel ffarmwr yng ngogledd Sir Benfro. ~Cyhoeddwr: Y Lolfa